සිහින මාලිගා

 NJ

සොඳුරු මතක

 NJ

දෙවැනි බුදුන්

 ~NJ~

කේන්දරේ

විසුල තරු එළි පරදා
සඳක් සේ නුඹ පායා

මට මගේ උන ලෝකයට නැතුව මුත් අවසර ආවා

නිසල මුදු ගති

බැලුම් මන බැඳී
දසුන් දැක ඇවිලුනත් මගේ සිත
නුඹ ඉතින් තවමත් පුරුදු සුපුරුදු සීලයෙන්

මෑණියන් බස් විමසලා
නැකත්පත් ගෙන ගලපලා

යුවතිපති සේ අබිසෙස් ලබන්නට පිං මදිද සොඳුර සසරේ අපි කලා 

ගල් යුගය පසු කරන් ඇවිදින් අද මිනිසා සඳටත් ගිහින්

එත් ඇයි අපි තවම ජීවිතේ කේතු රාහුට පවරලා

සිකුරු හත් වෙනි කොටුවේ

දෝණිට තාම කුජ හතේ අපලේ

කරනු බෑ කොහොමත්ම දීගේ

නැන්දම්මා සෙනසුරුද එතකොට මගේ

හරිම වෙහෙසයි දැන් ඉතින්

බුදුරජුන් වැඩියත් ඔච්චරයි නම්

කිමද මතු බයවයෙදිත් මිනිසෙක් වෙලා

හංස යුවලක් වත් වෙමුද අපි

නව ග්‍රහයන්ට නොම යට වෙලා

NJ

Forgive me

ගව් ගනන් දුර ඈත
මගෙන් වෙන් වී ඔයා
ආදරේ මට නෑ කියා
මාව හඬවලා ගියා
කල්පයක් මුත් බලා ඉන්නම්
යලිත් මා එනවද සොයා
ආදරේයි මන් ආදරේයි
සසර ඉම දකිනා තුරා

දුටු දාම පෙම් කලේ
නුඹට විතරයි රත්තරන්
මග බලා උන්නෙ මන්
මතක මන්දිර ඉදිකරන්
ඉගිලිලා ඇයි ගියේ
කොහොම ඉන්නද හිත හදන්

හැමදාම දුටු සිහිනේ
උන්නු ආදර දෙව් ලියේ
වින්ද සෙනෙහේ හදේ ගැඹුරේ
තාම සිරවී තියේ ලයේ
සමා වී නුඹ හද පෙලූ වරදට
ගෙවුනු නව යෞවනේ
පමා නෑ එනවද ඉතින්
රකින්නම් සරා සඳ සේ සල් වනේ
NJ

Bus එක

කලු පාට තාර පාර ඉහමොල කරකෙවෙන ගෙන්දගම් සුවඳ
ඇස් ගිනිකන රතු එලිය අතරමැද දැකපු ලස්සන හිනාව.                                                                                               
හඳ පායල ලාවට අහසේ රේල්පාර පහු කලා පාලම උඩින්
රෝද උඩ නැටුව ටකරන් බස් එකේ ඔයයි මමයි එක ලඟ  හුස්මක දුරින්
කොටුවට එකක් ඉල්ලුවා නටවලා දෙතොල් නියොන් ලය්ට් දැල් උනා මගෙ පපුවෙ
තවත් තිබුනොත් අලුත් පාලම උඩ ට්රැෆික් ඇත්තමය් මං  යනවා වට 7ක් රවුම්
සෙනග බැහැලා බස් එක හිස් ඔයය් මමය් විතරක් කොටුවට යමින්
හෙටත් අවොත් ඔයා 138ක් උඩින් කැලනි තිස්සෙටත් ලය්ට් දෙනවා මන් හදවතින්

NJ

යාලු

රිටිගල කන්ද තරහින් බැලුවත් නිබඳ
හන්තානේට ලන් වෙන්නට බෑ නේද
දලදා සමිදු අබියස වූ පින් සුවඳ
කොලොම්පුරේ සැප කුටුයේ තිබුනාද...

ඇන්දත් කමිස කලිසම් වයි වාරන පාට
බැබලෙන්නේ ඉන්නා තුරු විතරයි පාසලේ සුදට
එක පත අනා එකටම කෑ බත් මුලෙ රසට
දිව පිනවයිද නගරෙන් කන රස මුසු වලට...

අපි වෙන් වෙලා නෙක තැන් සිටියත් යාලු
හදවත අපේ එක රිද්මෙට ගැස්සේලු
අපි සැම නුඹට අපිටත් නුඹ විතරයිලූ
එකටම ඉඳිමු මිය යමු නැතුවම පාලූ...

NJ